Школ-влакын тунемме ийлан ямде улмыштым тергат

Лӱмын ыштыме комиссий школ-влакын у тунемме ийлан ямде улмыштым тергаш тӱҥалеш.

Коронавирус пандемийлан кӧра тунемше ден туныктышо-влак тунемме ийым дистанционно тунем пытарышт. Российысе просвещений министр Сергей Кравцов палемден, у тунемме ият чыла мерым шотыш налын тӱҥалшаш. Минпросвещений очно тунемме деч ок кораҥ. Тугеже, образовательный учреждений-влак йоча-шамычым 1 сентябрьыште приниматлаш ямде лийшаш улыт.

Калтаса районышто школ-влакын у тунемме ийлан ямде улмыштым 10 август гыч текшыраш тӱҥалыт.

Район администрацийын пунчалже дене келшышын, межведомственный комиссийым ыштыме. Лач тудо школ-влакым тергаш тӱҥалеш.

Районысо школаште олмыктымо, надзорный да текшырыше орган-влакын предписанийыштым шуктымо шотышто паша умбакыже мия.

Школым у тунемме ийлан эн сай ямдылыше-влакым палемдаш тӱҥалыт.

Район администраций конкурс нерген пунчалым луктын, тушто чыла условий, специальный номинаций-влак нерген лудын кертыда.

С. Аркадьева.