Калтаса ужара
+17 °С
Пылан
Все новости
Новости
19 Сӱрем 2020, 16:00

«Мландым курал-ӱдыман» - тыге шотла кресаньык-фермер озанлык вуйлатыше Владислав Бикмурзин

Калтаса ИКЦ-ын специалистше-влак тиде тургым жапыште районысо озанлыклашке чӱчкыдын лектын коштыт, механизатор, озанлык вуйлатыше-влак дене консультацийым эртарат, обстановкым шымлат. Шошо ага жапыштат, уржа-сорла годымат да кызытат, кургым ямдылыме жапыште. Тиде гана мыят нунын дене пасулашке лекташ лийым. – Таче Бикмурзин деке каена, – каласышт мыланем ИКЦ-те.

Калтаса ИКЦ-ын специалистше-влак тиде тургым жапыште районысо озанлыклашке чӱчкыдын лектын коштыт, механизатор, озанлык вуйлатыше-влак дене консультацийым эртарат, обстановкым шымлат. Шошо ага жапыштат, уржа-сорла годымат да кызытат, кургым ямдылыме жапыште. Тиде гана мыят нунын дене пасулашке лекташ лийым.
– Таче Бикмурзин деке каена, – каласышт мыланем ИКЦ-те.
Районышто тудо ик эн кугу да ончылно кайыше озанлык. Район газет корреспондентлан лач тушко корно. Тольык райрӱдӧ гыч ме йӧршеш вес велке каяш лекна. Кугорно гыч грунтовкыш савырнена да Кӱшыл Качмаш пасушко лектына манын, мый шоналтышым. Тыге писынрак лиеш. Но молан дыр мыйын шонымем семын миен ыш лек. Ик перекресткым эртен кайышна, весым. Мый шым чыте, йодым:
– А ме Тошто Оръямучашке каена мо?
– Чыла верыштыже ужат, – пелештыш ИКЦ вуйлатыше Дмитрий Вахитов. Тошто Оръямучашке изиш гына миен шуде, шола велне, посадке шеҥгелне, самоходный косилкым ужын шуктышым. Тудо люцерным сола ыле. Кӱшыл Качмаш гыч, тыште Бикмурзинын тӱҥ базыже, Тошто Оръямучаш ял марте, вик корно дене кает гынат, лу километр утла лиеш, докан. Владислав Петрович качмаш, у оръямучаш чыла пасулам курал-ӱден, ынде теве тошто оръямучаш пасулам тӱҥалын.
– Бикмурзинын озанлыкше кызыт вич тӱжем утла гектарым обрабатыватла, – каласкала Дмитрий Вахитов. – Теве, Тошто Оръямучаш шеҥгелне пасум ужат, тудымат куралеш. Районышто тыгай кумдыкым Бимурзин ден «Восход» СХК гына курал-ӱден кертыт, очыни. Нунын техникышт да еҥышт ситышын улыт.
Пасушко пурышна. Шудым солен пыштыме. Шым метран жатке дене шудым кугу площадьлаште вашке гына солалтеш. +35 градус шокшо, кечыште гын чыла +40 лиеш, очыни. Сандене Владислав Петрович деке икымше йодыш тыгай ыле:
– Кузе пашам ыштеда, шокшо огыл мо?
– Мыйын «Кейс». Тыште климат-контроль, кондиционер, нимогай шокшо лӱдыкшӧ огыл, - вашешта Бикмурзин. – Таче тиде массивым мый солен пытарем, а ик кече гыч ме тудым рулоныш пӱтырена.
– А кургым ямдылыме паша кузерак кая?
– Сенажым ситышын ямдыленна, – каласкала Владислав Петрович. – Силосым погышо КВК-600 комбайн дене Радион Байрамов пашам ыштен, ужар массым ныл Т-150 трактор дене Виталий Искибаев, Валерий Хайрламанов, Альберт Павлов, Денис Васильев шупшыктеныт. Кировец дене сенажым мыйын изам, Валерий Бикмурзин, тошкен. Шудымат ситышын ямленна, тидым ме жапашлан ямдлена. Курго озанлыкыште нигунамат уто ок лий. Утыжым ужалаш лиеш, налше-влак лектынак шогат. Вет шудым солыде, пасушто шогалтен кодаш нигузе ок лий.
– А те эше шке пасу кумдыкдам мынярылан кугемдаш шонеда?
– Мыняр кертына, тунаре, – ойла Бикумурзин. – Шарнеда, кодший мемнан механизаторна Денис Васильев мландым куралше-влак коклаште эртарыме республике конкурсышто сеҥен ыле. Теве теният тудо озанлыкыште Кировец дене мландым кылмаш шкетак куралын. Ме лӱмын моло трактор-влакым пасушко луктын огынал. Сандене, пасу площадьым кугемдыме шотышто ме огына ойгыро, кертына. Мланде яра шинчышаш огыл, тудым курал-ӱдыман, тушто кинде шочшаш, а шӱкшудо огыл. Кунам шӱкшудо дене кушшо пасулам ужам, чонлан моткоч йӧсӧ чучын колта. А тыгай пасу-влак, колхоз-влак шаланыме деч вара, моткоч шуко улыт.
Бикмурзинын пасу площадьше-влакым кугемдаш шонымаш моткоч сай паша. Район вуйлатыше-влакат тидын шотышто тудын дене келшат. Сандене тудо шкенжын технике паркшымат кугемден да уэмден шога. Теният лизинг дене шурным погышо кок «Кейс» комбайным налаш шона.
Ю. Шамсутдинов.