Агробизнесыште адакат ик проект

Район администрацийыште черетан «Предприниматель шагат» эртен

16 июльышто Калтаса район администраций вуйлатыше Ю.М. Садыров «Предприниматель шагат» формат дене черетан погынымашым эртарен. Тыште бизнес пашаеҥ ден район администарцийын профильный структурный подразделенийжын пашаеҥже-влак участвоватленыт.

Погынымаште шорык ден каза-влакым ончымо шотышто инвестпроектым онченыт. Погынымаш деч вара тидлан вуйын шогышо еҥ-влаклан тиде проектым илышыш шыҥдараш манын, информационно-консультационный полышым ончыкташ шӱдымӧ.

Ушештарена, «Предприниматель шагат» район администрацийыште кажне изарнян эртаралтеш да тушто инвестиций, инвестор-влаклан проектыштым илышыш шыҥдарыме шотышто полышым ончыктымо да бизнес дене кылдалтше шуко моло йодышымат ончат.

«Предприниматель шагатыште» предприниматель, кресаньык-фермер озанлык вуйлатыше, шке пашаштым почаш тыланыше еҥ-влак участвоватлен кертыт. Тидлан Башкортостан Республикысе Инвестиционный порталыште тыгай ссылке дене: https://investrb/ru/ru/invest-chas/add.php йодмашым кодыман. Тыгак 8 (34779) 4-16-70, 89874776924 номер дене сералтын кертыда (А.В. Гайнцева, район вуйлатышын предпринимательство, инвестиций да экономике йодыш шотышто алмаштышыже).

С. Аркадьева.