Аракам йӱыныт, вӱдеш пуреныт да пуренгаеныт

Башкирийыште водолаз-влак вӱд гыч кум капым луктыныт. Ик тыгай трагедий Калтаса районышто лийын.

Башкирийыште, 17 июльышто, Дӧртӧльӧ гыч водолаз-влак ик вызов гыч каен шуктен огытыл, нуным вес вере ӱжыныт. БР-се ЧС шотышто кугыжаныш комитетын пресс-службыштыжо кузе увертарат, тыгай туткар кажне кечын лиеш – эҥер ден ер-влакын гына лӱмышт вашталтеш.

Тыге, Карман водохранилищыште Нефтекамскысе водолаз-влак пӧръеҥын капшым вӱд гыч луктыныт. Тудо йолташыже-влак дене канен, пырля аракам йӱыныт. Вӱдеш пурен, но мӧҥгеш ийын лектын огыл. Тыгаяк ситуаций Калтаса районышто лийын. «Садовня» пӱяште 37 ияш йӱшӧ пӧръеҥ вӱдеш пураш каен да пӧртылын огыл.

«Ме костюм-влакымат коштен огына шукто, отряд марте миен шуашат огына етше, у йодмаш лектынак шога», – ойлат спасатель-влак.

Эше ик туткар 16 июльышто Уфасе Калинин районысо Теплый ерыште лийын. Тыште 22 ияш самырык еҥ вӱдеш пуренгаен.

Йолатшыже-влакын ойлымышт почеш, рвезе ийын моштен огыл. Туге гынат вӱдыш пурен, ик жап гыч йолташыже-влак тудым йомдареныт, кычалыныт, муын огытыл. Тиддеч ончыч нуно аракам йӱыныт улмаш.

Ушештарена, туткарыш логалыда гын, «01» единый номер дене, сотовый гыч «101 ден 112» номер дене йыҥгыртыман.