Калтаса ужара
+18 °С
Пылан
Все новости
Новости
22 Сӱрем 2020, 14:00

1 №-ан Краснохолмский кыдлаш школын тӱҥалтыш класслаште туныктышыжо Людмила Михайлова «А нас во дворе...» республиканский конкурсын призержо лийын

Кодшо арнян, Уфа олаште, изобразительный да декоративно-прикладной искусство дене «А у нас во дворе…» республиканский конкурсышто сеҥыше-влакым награждатленыт.

Кодшо арнян, Уфа олаште, изобразительный да декоративно-прикладной искусство дене «А у нас во дворе…» республиканский конкурсышто сеҥыше-влакым награждатленыт.
Тиде мероприятийым тунемше ден самырык еҥ-влакын республиканский культура рӱдерышт БР-се ЖКХ министерстве дене пырля образовательный организаций пашаеҥ-влакым Эстетике идалыклан лӱмладтше мероприятийлашке ушаш манын, организоватлалтын. Коронавирус пандемийлан кӧра, шуко моло конкурс семынак, тиде конкурсымат дистанционно эртарыме. Организатор-влак чылаже республикысе куд ола ден 20 муниципаль районласе туныктышо-влак деч пурышо 100 утла пашам тергеныт. Шке пашажым тышке тыгак 1 №-ан Краснохолмский кыдлаш школын тӱҥалтыш класслаште туныктышыжо Людмила Михайловат колтен лийын. Тудын оралтыштыже шуко мом ончыкташ лиеш. Тиде – альпийский курык, лӱҥгалтыш, воштр-влак гыч пидме беседке да молат. Икманаш, тудын оралтыже, изи планета. Планета, кушто мотор, ару да тыматле. Тиде изи тӱня, кушто шӱм-чон кана.
Кунам Людмила Геннадиевна шке вийже дене пӧрт воктенысе территорийым весемден, тунам тудын ушышкыжо иктаж-могай конкурсышто да эше республиканскийыште, участвоватлаш тӱҥалам манме шонымаш толынат пурен огыл. Воспитательный паша шотышто директорын алмаштышыже Юлия Зайцева тудлан конкурс нерген положенийым колтен да участвоватлаш йодын. Икмыняр кече пашам тыршен ыштымеке – Людмила Михайлова конкурсын участницыже лийын. А таче тудо конкурсын «Изобразительное искусство» номинацийыштыже кумшо верым сеҥен налын. Тудо чыла кумытыштыжат: декоративно-прикладное искусство, изобразительное искусство да «До и после субботника» фотоотчетышто – участвоватлен.
– Мый профессионально сӱретлымаш уке, – каласкала Людмила Геннадиевна. – Но лач туге миен лектын, изобразительный искусство номинацийыште сеҥенам. Вет мый эше Благовещенск педучилищыште тунемем годымак сӱретлаш йӧратенам.
Людмила Геннадиевнан мутшо почеш, тудо пӱртӱсым моткоч йӧрата, поснак шочмо кундемжым. Чыла тиде моторлыкым тудын сӱретлаштыже ужаш лиеш. Тӱҥ шотышто пеледышым сӱретлаш йӧрата. Пашажат тудын «Лилии среди петуний» манылтын. Икшывыже-влак шке авашт нерген тудо йырже йомакым шочыкта манын, ойлат. Конешне, чыла тидым тудо шкетын ок ыште.
– Ме чыла пелашем дене коктын ышташ тӱҥалынна, – ойла умбакыже Людмила Геннадиевна. – Кузе ӱдырем ойла, авамын поро шонымашыжым, ачайын шӧртньӧ кидше илышыш шыҥдара, манеш.
Воштыр гыч пидме беседкым вате-марий Михайловмыт коктын ыштеныт. Эрик марийже каркасым варитлен, вара пидыныт. Чумыр паша, Людмила Геннадиевнан мутшо почеш, мемнан илышнам оҥайрак да икте-весынам чакрак ышта. Людмила Геннадиевна ден Эрик Михайловмыт ваш келшен 26 ий пырля илат. Роланд ден Олесям ончен кугемденыт. Эргышт кызыт Нефтекамск оласе нефтяной колледжыште тунемеш. Олеся Екатеринбургышто Уральский горный университетым тунем лектын да туштак илыш пелашыжым муын. Тений коча ден кован Лев уныкашт шочын. Чыла тиде Людмила Геннадиевналан илыш вийым пуа. Да эше конешне, йӧратыме пашаже. Тудо йоча-шамычым возаш, лудаш, шотлаш туныкта. Тыгак Краснохолмский ялсоветын депутатше улеш.
– Коло шым ий икшыве-шамычым туныктем, – ойла Л. Михайлова. – А эше шукыжым нунын деч тунемам: куанаш, чон дене эре самырык кодаш, кызыт да тыште илаш. Тидлан мыйым йочам-влак туныктат.
О. Айгильдина.