Нефтекамскыште у школым чоҥат

Нефтекамск олаште 18 тӱжем квадратный метр площадян 1225 верлан школым чоҥаш тӱҥалыт. Школым пашашке вес ий мучаште колтышаш улыт.

Башкортостан Республикысе чоҥымо паша да архитектура кугыжаныш комитетын уверже почеш, чоҥышо-влак фундаментым оптен пытарат да зданийын коробкыжым нӧлташ тӱҥалыт. Тыгодымак инженер сеть-влакым пышташ тӱҥалыт.

Чоҥымо-монтажный пашам генеральный подрядчик 2021 ийлан мучашке шукташ шона.

Кызытсе жаплан келшен толшо школ «Образование» нацпроект почеш чоҥалтеш. Генеральный подрядчик – «Капитал Строй» ООО, проектым «Нефтекамскстройзаказчик» МУП ыштен. Тиде чоҥымо объектын акше 700 млн. теҥге.