Российыште автомашинам газыш кусарымылан 60 процент оксадам мӧҥгеш пӧртылтат

Автомобиль дене кудалышташ бензин олмеш газым кучылташ тӱҥалыда гын, РФ Правительстве 30 олмеш 60 процент оксадам мӧҥгеш пӧртылта.

Тидыже физический лица ден изи бизнесысе машина-влакын водительыштлан пайдам пуа да, энергетике министр А. Новакын мутшо почеш, 4-5 милиард теҥгем аныклаш полшышаш. Правительстве 2020-2024 ийлаште газомоторный отрасльым вияҥдаш 50 миллиард теҥгем колтышаш, кажне ийын газозаправочный станцийлан – 3,5 миллиард теҥгем, а 700 миллион теҥгем – автопаркым угыч оборудоватлымылан. Программын икымше этапышкыже 27 кундем пура.