Коронавируслан кӧра шыгыремдымашым лукташ эше эр

Башкирий эше коронавируслан кӧра шыгыремдымашым лукташ ямде огыл, каласен регион вуйлатыше Радий Хабиров правительствыште эртыше оперативный погынымаште.

Радий Хабиров кузе палемден, коронавирус шотышто ситуаций иктӧр кая, туге гынат саеммаш уке, кеч «1 сентябрьлан сайрак показательыш шуаш манын задачым шынденна ыле».

«Республике мучко инфекций эше шарла. Коронавируслан кӧра шыгыремдымашын кокымшо этапшым лукташ шуын огынал. Ме кинотеатр-влак нерген ойленна ыле. Мемнан паша датына 15 август марте ойыралтын ыле. Ончалына, ситуаций могай лиеш, а кызытеш кинотеатр-влак тек ямдылалтышт. Регионышто эпидемиологический ситуацийын могайрак лиймыжым ончалына. Кокымшо этапыш куснена гын, нимом вашталташ огына тӱҥал, – каласен Башкирийын вуйлатышыже. – Минздравын задачыже – запасым ямдылымаш. Мемнан запасыште койко фонд, тыгак эм-влак лийшаш улыт.