Калтаса ужара
+21 °С
Пылан
Все новости
Новости
8 Сорла 2020, 20:00

Лариса Афанасьевна Байбатырова модын налме сертификат дене триммерым налын

«Орион» торгайыме пӧрт деч 5000 теҥгелан кокымшо сертификат «Калтаса ӱжара» газетлан сералтше, Кранохолмский селаште илыше Лариса Байбатырова модын налын.

«Орион» торгайыме пӧрт деч 5000 теҥгелан кокымшо сертификат «Калтаса ӱжара» газетлан сералтше, Кранохолмский селаште илыше Лариса Байбатырова модын налын.
– Эше шошым ме пелашем дене пырля триммерым налнена ыле, – ойла мыланна вашлиялтмына годым Лариса Афанасьевна. – Кевытыш мийышна, ончал лекна да варарак налына манын каҥашышна. А тыште «районка» деч тыгай сай пӧлек. Сертификат дене тудым налына. Кеҥежым пеш кӱлешан, шудым солаш, пӧрт йыр улшо территорийым эрыкташ.
Лариса Байбатырова Тӧлдӧ ялыште шочын да кушкын. Школышто 10 классым тунем пытарыме деч вара Екатеринбург олаш илаш куснен. Тыште пелашыж дене 40 ий иленыт. Шиным ыштен лукмо заводышто, шыл комбинатыште пашам ыштеныт. Сулен налме канышыш лекме деч вара еш шочмо-кушмо районыш пӧртылаш лийын. Краснохолмский селаште илаш лийна. Теве кум ий шке пӧртыштына илена.
– Район газетлан вигак сералташ тӱҥальым, – умбакыже ойла Лариса Афанасьевна. – Чыла статьям лудына. Редакцийын коллектившылан лудшо-влаклан тыгай сай пӧлекым ыштымышт кугу таум каласем. Шукырак сай уверым да подписчик-влакым тыланем.
Э. Мурсакаева.