Калтаса ужара
+21 °С
Пылан
Все новости
Новости
14 Сорла 2020, 21:00

Башкирий шӧрым лӱштен налме да ужалыме шотышто эн сай регион-влак коклашке логалын

Российысе ялозанлык министерстве, Башкирийым шӧрым эн шуко лӱштен налше регион-влак коклашке пурышылан шотлен.

Российысе ялозанлык министерстве, Башкирийым шӧрым эн шуко лӱштен налше регион-влак коклашке пурышылан шотлен.
Ведомствын данныйже почеш, 3 августлан элысе ялозанлык организаций-влак суткаште 49,8 тӱжем тонн шӧрым лӱштен налыт. Тидыже кодший дене таҥастарымаште 5% але 2,4 тӱжем тоннлан шукырак. Башкирийысе ялозанлык министерствыште кузе палемдышт, 10 августлан республикысе ялозанлык предпритяий ден кресаньык-фермер озанлык-влак 460 тӱжем тонн шӧрым лӱштен налыныт. Тидыже кодший дене таҥастарымаште 19 тӱжем тоннлан шукырак.
«Шӧрым лӱштен налмаште Чекмагуш район ончылно улеш – 38,5 тӱжем тонным лӱштен налыныт», – каласыш ялозанлык министерствын пресс-секретарьже Алмаз Галимов.
Чекмагуш район деч посна «шӧр рейтингышке» тыгак Дӧртӧльӧ, Аургазе, Стерлитамак, Илиш да Мелеуз район-влак пурат.
«Башинформ» ИА.