Калтаса районышто угычын ондалкалыме случай-влак лийыныт

Ты гана Калтаса районысо Калмиямучаш ял гыч 34 ияш ӱдырамаш ондалалтын. Тудо 29 июльышто полицийыш полышым йодын толын – картыж гыч мошенник-влак 26 тӱжем теҥге оксам шолыштыныт.

Ончылгоч палем налме, ик интернет-сайт гыч ӱдырамаш модыш электромобильым налаш лийын. Телефон дене йыҥгыртен, а тудыжо увертарымаште савыкталтын улмаш. Сатучо ссылке дене эрташ темлен, сатум оформитлаш йодын. ™дырамаш банк карте дене икмыняр операцийым ыштен да 13 тӱжем тула теҥге осам кусарен. Сатучо машинам эрлашыжым колташ мутым пуэн. Но эрлашыжым ӱдырамаш увертарымашым налын, машинам намиен кодаш ок лий. Тудым адакат палемдыме ссылке дене эрташ йодыныт, оксам мӧҥгеш пӧртылташ манын. ™дырамаш адакат банк карте дене икняр операцийым ыштен да тудым счетшо гыч угыч 13 тӱжем утла теҥге оксам налыныт.

Тошто Холм ял гыч 22 ияш еҥ полицийыш йодмашым возаш толын. Самырык еҥ умыландарен, Краснохолмский селаште «Самсунг А50» сото телефоным йомдарен. Вара тудо социаль сетьыште телефоным йомдарыме нерген увертарымашым вераҥден да пӧртылташ йодын. Ту кечынак тудын деке палыдыме еҥ йыҥгыртен да телефоным муымыжым каласен, кумылаҥдымашлан 3000 теҥге оксам йодын. Самырык еҥ банкомат гоч оксам кусарен, а саде еҥ телефоным пӧртылтен огыл.

Ты факт-влак почеш полиций текшырыме пашам намия, результатше почеш процессуальный решенийым лукмо лиеш.

Полиций темла, осал пашам ыштыше еҥ-влак деке логалаш да окса ден посна кодаш огыл манын, шке банк картыдан данныйже-влак нигӧланат ида пу. Ты информацийым палыме еҥ, пашам пырля ыштыме йолташ, родо-шочшыда-влаклан ойлыза. Сак лийза. Картын данныйже-влакым йодыт гын, тиде – ондалкалыше-влак.

Россий МВД-ын Калтаса районысо пӧлкаже