Калтаса районысо эмлымверышке 4 специализированный термопринтер пурен

Тыгаяк термопринтерым Башкирийысе медицине организаций-влаклан чылаже тӱжем утла налыныт

Республике здравоохранений министерствын пресс-службыжо кузе увертара, Башкирийыште 108 медицине организаций 1016 специализированный термопринтерым налеш. Тыге нылытше мемнан Калтаса районысо рӱдӧ эмлымверыш клинико-диагностический лабораторийыш пурен.

У оборудованийым республике «Создание единого цифрового контура в здравоохранении на основе единой государственной информационной системы» программе почеш налын.

Калтаса эмлымверыште кузе умыландареныт,этикеткым печатлыше термопринтер-влак лабораторный текшырымашым эртарыме годым биоматериал-влаклан штрихкодым ышташ палемдалтыныт. Биоматериалым налме деч вара пробиркыш лӱмын штрих-код пижыкталтеш, тушто пациент да текшырымаш нерген чыла кӱлшӧ информаций лиеш.

С. Аркадьева.