Район пасулаште

ИКЦ-ын данныйже-влак почеш, 13 августлан районышто 3 тӱжемат 200 гектарыште 6 тӱжемат 560 тонн шурным поген налме.

Чылаже районысо озанлыклаште 19 тӱжем 464 гектарыште пырчым поген налшаш улыт.

Кокияш культурым поген налме паша мучашке лишемеш. Тыгак шож ден пурсам погат. Гектар гыч лектыш – 20 центнер дене.

«Восход» СХК-те паша сайын кая, чылаже 600 гектарыште шурным погымо, лектышат сай – гектар гыч 25 центнер дене поген налыт. Тыгак Биктимиров, Зайникаев, Бикмурзин, Шашиев, Низамутдинова Диларан кресаньык-фермер озанлыклаште паша начарын огыл мия.

Озанлыклаште кокияшым ӱдаш тӱҥалыныт. Чылаже 3 тӱжем гектарыште ӱдаш шонат.

Ю. Шамсутдинов.