Все новости
Новости
25 Сорла 2020, 16:00

Калтаса районышто «Йочам школыш пого» акций эрта

«Единая Россия» партийын верысе пӧлкаж ден «Молодая Гвардия Единой России» региональ пӧлкаже ача-ава общественность дене пырля «Родничок» кевытыште шуко икшыван да шагал парышан еш-влаклан школ принадлежность-влакым погаш тӱҥалыныт.

«Единая Россия» партийын верысе пӧлкаж ден «Молодая Гвардия Единой России» региональ пӧлкаже ача-ава общественность дене пырля «Родничок» кевытыште шуко икшыван да шагал парышан еш-влаклан школ принадлежность-влакым погаш тӱҥалыныт. Районышто 586 шуко икшыван еш ила, тушто 2092 йоча кушкеш. Тыгак районышто 765 шагал парышан еш уло.
«Йочам школыш пого» акцийыште Ирина Кононова, муниципаль район Советын секретарьже, верысе пӧлкажын сторонникше-влакын вуйлатышыжын алмаштышыже, БРО ВОО МО вуйлатыше, «Центр» клубын педагог-психологшо Линда Павлова, «Сказка» йочасадын вуйлатышыже Нина Ильгузина, «Служба семьи» районысо рӱдерын социальный паша шотышто специалистше Ильмира Кузнецова, верысе пӧлкан исполнительный секретарьже Зоя Максимова, Актыган ял гыч кум икшыван ава Альбина Байдемирова участвоватленыт. Нуно тетрадь, альбом, гуашь, карандаш, ручка, фломастер, пластилин, краске-влакым да молымат налыныт.
21 августышто районышто «Все мы – Россия» велопробег-акций эртен. Тудо Флагын кечыжлан лӱмдалтын. Акций неле илыш ситуацийыш логалше икшыве-влаклан эртаралтеш. Тыште нунылан «Йочам школыш пого» акций почеш погымо канцсатум кучыктеныт.
З. Максимова