Уржа-сорла умбакыже шуйна

Калтаса ИКЦ-ын данныйже-влак почеш, 24 августлан район мучко 5 тӱжем 600 гектарыште, 11 тӱжем 660 тонн шурным поген налме.

Паша сай темп дене «Восход» СХК-те, «Победа» ООО-то, «ИТС-Агро» ООО-то, Биктимировын, Бикмурзинын, Шашиевын, Зайникаевын кресаньык-фермер озанлыклаште кая. Район мучко кокла шот дене гектар гыч 20,4 центнер пырчым поген налыт. Район показатель деч шукырак «Восход» СХК-те – 31 ц, «Победа» ООО-то – 23 ц, «ИТС-Агро» ООО-то – 24 ц.

ИКЦ-ын агроном-консультантше Борит Мухтаров районысо озанлык-влак кажне кечын паша темпыштым писемдат, тидлан чыла улшо резервым кучылтыт.

Кугу вий, кум-ныл комбайн дене уржа-сорлам «Восход» СХК-те, «Победа» ООО-то, «ИТС-Агро» ООО-то, Бикмурзинын кресаньык-фермер озанлыкыштыже намият. Нине озанлыклаште шурным ӱдымӧ площадь-влакат кугу – кум-ныл тӱжем гектар.

Кокияшым ӱдашат жап толын шуын. Уржам Биктимировын, Зайникаевын кресаньык-фермер озанлыклаште, «ИТС-Агро» ООО-то ӱдат.

Ю. Шамсутдинов.