Калтаса ужара
+18 °С
Пылан
Все новости
Новости
4 Сентябрьыште 2020, 21:00

Марий Мераҥ школ «Образований» нацпроект почеш спортзалым олмыктен

Марий Мераҥ школым 1988 ийыште чоҥымо. Тӱҥалтыште тиде кыдалаш школ лийын, а пытартыш ийлаште тудым тӱҥ чумыр образований школыш савыреныт, Амчемучаш кыдалаш школын филиалже улеш.

Марий Мераҥ школым 1988 ийыште чоҥымо. Тӱҥалтыште тиде кыдалаш школ лийын, а пытартыш ийлаште тудым тӱҥ чумыр образований школыш савыреныт, Амчемучаш кыдалаш школын филиалже улеш.
У тунемме ийлан ямдылалтме годым, туныктышо коллектив кеҥежым школышто порядкым пурташ тыршен. Тиде косметический олмыктымо паша лийын. А теве капитально олмыктымо паша ты ийлаште лийын огыл. Школ спортзалат йӧршеш тоштемын: тӧрза ден омсам, кӱвароҥам вашталтыман. Ты ремонт дене гына ситуацийым утараш лийын огыл.
Ты кеҥежым школ спортзал «кокымшо гана шочын» манын каласаш лиеш. «Образований» нацпроектлан кӧра Марий Мераҥ школышто спортзалым олмыктымо.
Ты мотор, волгыдо, чыла йодмашлан келшен толшо спортзалыште физкультура да спорт секций-влак кӱкшӧ уровеньыште эрташ тӱҥалыт манын шонена.
«Уэмдыме зал – икшыве-влаклан спорт дене кылым кучаш да таза илыш-койышым намияш ешартыш стимул. Тунемше-влакын тазалыкыштат ындыжым пеҥгыдемеш», – палемден физкультурым туныктышо Алексей Алексеев.
С. Аркадьева.