Сӱгыголын 220 тӱжем утла мӱктыжым Башкирийысе эҥерлашке колтеныт

Мӱктӧ -влакым Пермь кундемыште верланыше колым ончен куштымо рӱдер гыч специальный транспорт дене, тудыжо контейнер-влак дене пойдаралтын, кушто кол-влаклан илаш чыла йӧнат уло, конденыт. Тыште эн тӱҥжӧ – Чолманыште шочшо сӱгыгол кучылталтеш: колын тиде видше регионысо вӱд объект-влаклан пӱртӱс популяций лийын кодеш.

Колым эҥерлашке колтымым «Транснефть – Урал» АО-н экологий безопасность ден рациональный природопользований пӧлкаже ден колым кучымо шотышто Кокла Юл Федераль агенствын территориаль управленийын Башкортостан Республикысе вӱдысӧ биологический ресурс-влакым тергыме да аралыме кугыжаныш пӧлкан специалистше-влак тергеныт. Нуно, колиге-влак чыла шотыштат сай состоянийыште улыт манын палемденыт.

Экологий шотышто тыгай мероприятий, вӱдысӧ биологический ресурс-влакым искуственно шукемдыме шотышто, «Транснефть» ПАО-н объектше-влак улман верлаште, нуным 201—2020 ийлаште арален кодаш манын, эртаралтеш.

«Транснефть – Урал» АО-лан вӱдысӧ биоресурс-влакым ыштен лукмаш пӱртӱсым аралыме шотышто ик эн кӱлешан мероприятий лийын кодеш. Ончыч, 2020 ий августын икымше пелыштыже, предприятий сӱгыголын игыже-влакым (199 тӱжемым) Тюмень областьысе эҥерыш да Самара областьысе Саратов вӱдаралымверыш (16,6 тӱжемым) колтен.