«Транснефть-Урал» ОА-ын нефтяникше-влак Республике вуйлатыше деч наградым налыныт

Профессиональ пайрем – Нефть да газ промышленность пашаеҥ-влакын кече деч ончыч Башкортостан Республике вуйлатыше Радий Хабиров «Транснефть-Урал» ОА-ым регионын социаль-экономикыжым вияҥдымашке кугу надырым пыштымыжлан да производственный сеҥымашлашке шумыжлан Тауштымаш дене палемден.

Тауштымашым «Транснефть-Урал» ОА-ын генеральный директоржо Р.Н. Ковалевлан правительственный погынымаште, а тудыжо республикыште топливно-энергетический комплексым вияҥдымаште йодыш-влаклан лӱмдалтын лийын, кучыктеныт.

«Транснефть-Урал» ОА теве 70 ий утла Российын кандаш регионжын территорийышкыже да Йӱдвел Казахстаныш магистраль пучкорнын кумда сетьше дене нефть ден нефть продукт-влакым транспортироватла.

Предприятийын куд филиалже гыч нылытше Башкортостаныште верланен: Туймазинский, Черкасский, Арлан нефтепровод управлений, тыгак магистраль пучкорнышто аварийым пытарыме да ончылгоч кораҥдыме шотышто лӱмын управлений. Республике территорийыште 4 тӱжем утла километр магистраль пучкорно эрта – предприятийын вуйын шогымо зоныштыжо улшо гыч пелыже наре. Тӱҥ шотышто Уфа да Салават олаласе нефтьым перерабатыватлыше заводла гыч нефтьым шупшыктымаш, НПЗ гыч нефть продукт-влакым приниматлат да умбакыже элна кӧргыштӧ потребитель-влаклан колталтеш.

«Транснефть-Урал» ОА – тиде вуйын шогышо работодатель да тудо кугу йозакым тӱла. 2019 ийыште республике бюджетыш 2,835 млрд теҥге йозак тӱла пурен, а 2020 ийыште – 2,953 млрд теҥге наре лиеш. Предприятийын коллективыштыже 7 тӱжем утла еҥ пашам ышта, тышеч 4,2 тӱжемже мемнан республике территорийыштына тырша. «Транснефть-Урал» ОА кадр-влакым ямдылыме шотышто Башкортостанын вӱдышӧ образований учрежденийже-влак дене кылым куча.

Пытартыш кум ийыште гына Башкирий территорийыште предприятий 27 млрд теҥге оксам пыштен: акционерный обществе инфраструктура ден производственный объект-влакым чолган модернизироватла, ончыл технологий-влакым шыҥҥдара, механотехнологический оборудований паркым уэмда. Предприятий полшымо дене кӱлешан шуко объект-влак чоҥалтыт. «Транснефть-Урал» ОА порылык фонд-влакым илышыш шыҥдара, тудын пашаеҥже-влак волонтер пашаште чолган участвоватлат.