Сентябрьыште шӱкшакым лукмылан тӱла ок кугем

Башкирийын властьше увертара, сентябрьыште шӱкшакым лукмылан тӱла тугаяк кодеш. Кугемдыме сумма дене квитанцийым эше огыт шалате, умыландарен республикын коммуналь озанлык министрже Борис Беляев. Ты йодышым эше лончылаш кӱлеш, шотла регион вуйлатыше.

7 сентябрьыште правительствыште погынымаште экологий министр Урал Искандаров шӱкшакым лукмылан ак кӱзыктымӧ нерген увертарен. Тидлан республике вуйлатыше Радий Хабиров экологий да пӱртӱсым пайдалынме министерствылан ты йодышым лончылен да угыч ончен лекташ шӱден. Тудын шонымыж почеш, республике территорийыште «шӱкшак» шотышто реформым эше угыч ончен лекташ кӱлеш.

Кызыт Башкирийыште икгай тӱлам палемдыме.

«Башкортостан Республике».