Кугезе кован шондыкшо гыч

Шӱлмӧ корнын черже дене пеш шуко еҥ орлана.

Кумдан шарлышылан поснак астме, бронхит да кокыртышын моло видше шотлалтыт. Нунын амалышт утларакше инфекций, аллергий але тамак дене кылдалтын.

Нине чер деч эмлыше виян средствым кугезе кована-влак шукертак паленыт. Тудым йошкар але кандалге тӱсан пел кило шоган, пел кило шекар, кок лимон, 1,8 литр вӱд, 7 кугу пане мӱй дене ямдыленыт: 1. Шекарым калай йоҥгытышто шулыктареныт.

Тышкак тыгыдын падыштыме шоганым пыштеныт. Тудым изишак жаритленыт да вара вӱдым теменыт.

Тиде вартышым вӱдын кумшо ужашыже пучымеш шолтеныт.

Вартышым йӱкшыктареныт.

Вара мӱй дене лимон сокым ешареныт. Сайын лугеныт.

Вартышым йӱдвоштлан коденыт.

Эрдене янда шишаш шӱреныт.

Тиде эмым кажне кочмо деч ончыч 1 кугу пане дене йӱыныт. Тӱрыс пареммеш эмлалтыныт.

(Пайдалаыме деч ончыч врач дене каҥашыза)