+20 °С
Дождь
Новости
17 Сентября 2020, 13:40
Пареҥге кинде
Иктаж-могай у кочкышым эре тамлен ончымо шуэш. Поснак шыжым, кунам тӱрлӧ пакчасаска уло. Тугеже ты рецепт дене пайдаланен ончыза.
Кӱлыт: 750 г пареҥге немыр, пареҥгым шолтымо вӱд – 1/3 стакан, 1 кугу пане шӧнчал, 1 кугу пане маргарин, 1 кугу пане шекар, 14 г ру, 5 стакан ош ложаш, 1 стакан шож ложаш.
Пареҥгым шолтымо вӱдыштӧ рум шулыктарена, тушко шӧнчалым, маргариным, шекарым ешарена. Вара пареҥге немырым, ложашым ешарена да сайын лугена.
3 шагатлан кораҥдена, руашын нӧлталалтмыжым вучена.
Ты рецепт дене ыштыме руашым кум ужашлан пайлаш кӱлеш да уэш шокшырак верыш нӧлталалташ пыштыман.
190 градус марте ырыктыме духовкышто ик шагат наре кӱктен лукман.
