«Тещин язык» салат

Кӱлыт: 3 кг кабачок, 2-3 пӱй чеснок, 1 кочо пурыс, 5 шере пурыс, 0,5 л томат соус, 0,5 стакан шекар, пел стакан вӱд, пел стакан нӧшмӱй, 1,5 изи пане шӧнчал, 3 кугу пане 9%-ан уксус, икмыняр пырче шем пурыс, 3-4 гвоздике.

Кабачокын шӱмжым эрыктыза, кичкыжым лукса да вичкыж полоско семын пӱчкедыза. Чеснокым, кочо, шере пурысым мясорубко гоч колтыза да каструльышко пыштыза, тушко томат соусым, нӧшмӱйым, шекарым, шӧнчалым, уксусым ешарыза да тул ӱмбаке шындыза.

Шолаш пурымеке, кабачокым ешарыза да салатым 40 минут шолтыза.

Тул ӱмбач налын, салатым стерилизироватлыме банкылашке шокшынек оптыза да калай петыртыш дене петырыза. Банкым кумыктен шындыза да кӱжгӧ одеял дене леведса.