«Мак–2020» операцийым иктешлымаш

7 гыч 16 сентябрь марте мемнан район территорийыште «Мак–2020» оперативно-профилактический операцийын 5-ше этапше эртен.

Ты операций аяран наркотический средства-влакым закондымын ужалыме осал пашам пален налаш, кораҥдаш ла тӱжваке лукташ манын эртаралтеш.

Россий МВД-ын Калтаса районысо пӧлкажын эртарыме мероприятий годым палыдыме еҥын наркотикым ужалыме ик осал пашам ыштымыжым пален налме, РФ КоАП-ын 6.9.1 статьяже почеш, 7 административный протоколым возымо. Интернет сеть гоч республике территорийыште наркотикым ужалыме 6 сайтым пален налме, нуным блокироватлаш ты сайт нерген информацийым МВД-ын БР УНК-ыш колтымо.

Калтаса районышто илыше калык да пагалыме уна-влак, наркотикым ужалыме вер-влак нерген увертарыза. Тыгак уверым колында гын, МВД-ын йӱдшӧ-кечыже пашам ыштыше ӱшан телефонжо – 8 (347) 279-32-92 да Россий МВД-ын Калтаса районысо пӧлкажын дежурный частьышкыже 8 (34779) 4-25-81 номер дене йыҥгыртыза.

В. Хайруллин