Калтаса ужара
+18 °С
Пылан
Все новости
Новости
18 Сентябрьыште 2020, 13:00

Нефтепроводчик-влак тӱнямбал выставкыште у оборудованийым ончыктеныт

«Газ. Нефть. Технологий» тӱнямбал выставке – тиде республикылан, топливно-энергетический комплексын предприятийже-влаклан кугу событий. Тудо коло кандашымше гана эртаралтеш да ий гыч ийыш оҥайрак да пайдалырак лиеш.

«Газ. Нефть. Технологий» тӱнямбал выставке – тиде республикылан, топливно-энергетический комплексын предприятийже-влаклан кугу событий. Тудо коло кандашымше гана эртаралтеш да ий гыч ийыш оҥайрак да пайдалырак лиеш. Тений тудым эртараш пандемият мешаен огыл: кеч мероприятийын кечыжым шӱкалыныт, но тудым эртарыме деч отказатлалтын огытыл.
Кызытсе жаплан келшен толшо оборудований, ончыл пунчал, оҥай разработке-влак – выставкыште кажне участник эн сайжым гына ончыкташ тырша. «Транснефть – Урал» АО-ын стендыштыже, тудо «Транснефть» компанийын кугу дочерний обществыже улеш, иканаште ныл у оборудованийым ончыктеныт. Нунын нерген предприятийын инженерже Данир Ахметов Башкортостан Республике вуйлатыше Радий Хабировлан ойлен. Регион вуйлатыше стендыште икымше уна лийын, выставкым почмо деч вара вигак тушко пуралт лектын.
А вет тыште чынжымак лийын мом ончаш. Мутлан,8 тӱжем киловатт куатан взрывозащищенный электродвигатель да вертикальный подпорный насос – импортозамещений областьыште пашан результатше-влак. Ты насос ден электродвигатель-влак (тыгак моло модель-влак) кок заводышто ыштен луктылтыт, тудыжым пытартыш ийлаште Челябинскыште чоҥымо. Тиде оборудований тӱнямбал стандартлан келшен толеш, сай характеристика дене ойыртемалтеш.
– Тӱҥ фонд-влакым уэмдымылан кугу тӱткышым ойырена. Мутлан, пытартыш 3 ийыште Башкортостан Республикышке гына 27 миллиард утла теҥге оксам производственный куатым модернизироватлаш колтымо, – палемден «Транснефть – Урал» АО-ын тӱҥ инженерже Данир Ахмеров. – Выставкыште носос ден электродвигатель-влакым, тыгак ойыртемалтше оборудованийым ончыктымо. Эн тӱҥжӧ – чыла тиде оборудований Российыште, «Транснефть» производственный площадкылаште, ыштен луктылтеш.
Ойыртемалтше оборудований – шахтный типан герметизироватлыше камере. Тудо вӱд йымалне 25 метр марте келгытыште 300 гыч 1200 мм диаметран пучкорно ушнымо верым олмыкташ ышталтын. Комбинированный магнитно-ультразвуковой дефектоскоп: тудын полшымо дене пучкорно-влаклан магнитный, тыгак ультразвуковой диагностикым эртарат, кутынь шелмым, кутынь да торешла сварке ушемын локтылалтмыжым, лончылалтмашым, кӱртньым йомдарымашым пален налаш полша. Ты оборудований-влак Подмосковьеште ыштен луктылтыт. Таче ты оборудований дене «Транснефть» магистраль пучкорным текшырымаште пайдаланалтеш.
«Транснефть – Урал» стендыште отрасльлан у оборудований-влак дене гына огыл, тыгак Россий пучкорно транспорт системым вияҥдыме да саемдыме паша дене палыме лийын кертыныт.