Эн сай эмлымвер-влак кок миллион теҥге оксам налыт

Республикысе здравоохранений министерствын сайтыштыже республике вуйлатышын «О грантах главы Республики Башкортостан в сфере охраны здоровья» пунчалжым савыктыме.

«Калыкын тазалыкшым аралымаште медицине полышым саемден колташлан, тудын результатшым кӱкшемдашлан пунчалам: Башкортостан Республике вуйлатышын грантшым тазалыкым аралыме шотышто медицине организаций-влаклан пеҥгыдемдаш йодам», ­– ойлалтеш документыште.

2020 ийыште ыштыме пашам иктешлымеке, республике мучко индеш эн сай эмлымверым ойырен налаш тӱҥалыт, кажныжлан кок миллион теҥгем ойырат.

Башкортостан Республикысе финанс министерствылан 2021 ийыште грантлан бюджет гыч 18 миллион теҥгем ойыраш шӱдымӧ.