Кугыжаныш автоинспекций район калыкым ялозанлык вольык дене ДТП-влак чӱчкыдын лияш тӱҥалме нерген увертара

Калтаса районысо кугыжаныш автоинспекцийым, поснак шошым да шыжым шала коштшо вольыклан кӧра корнышто аварий-влак лиймаш моткоч тургыжландара.

Мутлан, 2018 ийыште Кӱшыл Тиктем ял воктене лийше аварий. Тыгодым автомашине чотак локтылалтын, ик чома колен, кок имне чотак сусырген.

2019 ий октябрьыште Кӧтерем села воктене имне кенета корнышко кудал лектын. Тыгаяк случай 2019 ий 8 октябрьыште Краснохолмский селаште лийын. Аварийлан кӧра имне колен, машина чотак локтылалтын.

Тыгак 2019 ий 23 ден 24 сентябрьыште Ӱыл Тиктем ял воктене тыгаяк случай лийын. ДТП-лан кӧра имне верыштыжак колен, эше икте чот эмганен, автомашина локтылатын.

2020 ийыштат тыгай случай-влак лийыныт. Тений 1 январьыште Ӱлыл Тиктем ден Келтей ял коклаште йӱшӧ водитель, машинам виктарымыж годым, тыгодым эше игече начар лийын, имне кӱтӱшкӧ миен кӱзен. Ты аварийыште ик имне колен, автомашина чотак локтылалтын.

Вольыкым ончышо пагалыме калык! Шала коштшо вольыклан кӧра корнышто нимогай туткар ынже лий манын, вольыкдам эскеранак шогыза, шала ида колто. Вет шала коштшо вольык поснак корнышто кугу лӱдыкшым ышта, нунылан кӧра айдемын илышыже кӱрылт кертеш, автомашине локтылалтеш, вольык кола.

Пагалыме водитель-влак! Вольык-влак ӱмбаке миен кӱзымаш поснак кастене да эрдене шукырак лиеш. Сандене кеч-куштат скорость режимым шуктен толман, поснак ялла ден селала-влак воктене скорость режимым шотыш налман, кенеташте корнышто вольыкым ужында гын, скоростьдам иземдыза але транспортым чарен шогалтыза.

Т. Нурисламова.