«Транснефть - Урал» ОА-ын пашаеҥже-влак «Всемирный день чистоты#Сделаем2020» акцийыште участвоватленыт

«Сделаем» Арулык тӱнямбал кече - тиде волонтер-влакын акцийышт. Тудо обществым, кугыжанышым, СМИ ден бизнес-влакым элнам шӱкшак деч эрыкташ да арулыкышто кучаш манын эртаралтеш. Акцент пӱртӱс территорийым: чодырам, аланым, эҥер ден ерла воктене серым - погынен эрыкташ манын ышталтеш. Кушто тидым ышташ лиеш, тушто шӱкшакым ойыркален погат.

Арлан нефтепроводной управленийын (НУ) 40 утла пашаеҥже управлений аппарат зданийын филиалжын, «Калтаса» ден «Чекмагуш» линейный производственно-диспетческий станцийын (ЛДПС), Котерем, Чекмагуш да Андреевка воктене «Андреевка» нефть продуктым перерабатыватлыше станцийын территорийлаштышт экологический субботникым эртареныт. 200 утла килограмм шӱкшакым, кукшо шудым да укш-влакым погымо лийын.

Черкасский НУ ден аварий лӱдыкшым ончылгоч кораҥдыме да пытарыме шотышто лӱмын управленийын пашаеҥже-влак Уфасе Сенымаш паркыште субботникым эртареныт: Дежнеский тошкалтышым эрыктеныт, паркын территорийыштыже шӱкшакым погеныт. Зубово селаште илыше калык, администрацийын да Уфа районын хозяйственный управленийын пашаеҥже-влак дене пырля Уфа-Чишма корно тӱрым да Уфа районысо Нижегородка селаште Дема эҥер серым эрыктеныт. «Улу-Теляк» ЛПДС-ын пашаеҥже-влак Иглин районысо Ауструм селаште рӱдо площадьыште 30 пушеҥгым шынденыт, «Кропачево» ЛДПС-ын коллективше вӱд йымалне магистраль пучкорно районышто Сим эҥер серыште шӱкшакым погеныт. Каменный переправыште Уфимка эҥер серымат эрыктеныт.

Туймаза НУ-ын пашаеҥже-влак производственный объект-влакын, тыгак филиалын административный зданий территорийжым эрыктеныт: аппарат управленийын пашаеҥже-влак Туймаза олаште Горький уремыште шӱкшакым чумыреныт, «Субханкулово» ЛДПС да «Субханкулово-ПП» НПС-ын коллективше корно тӱрым эрыктен, «Салават» ЛПДС-ын персоналже Белая эҥер воктене чодыраште шӱкшакым поген, а «Шкапово» НПС-ын пашаеҥже-влак Сухаречка селаште паркын территорийыштыде порядкым пуртеныт. «Мраково» НПС-ын пашаеҥже-влак Мраково села деч твердый бытовой отход полигоныш кайыше корным эрыктеныт, технологический транспорт да спецтехнике, производственный обслуживаний базын пашаеҥже-влак Субханкулово селаште Строительный уремыште шӱкшакым погеныт.

Челябинский да Курганск областьлаште «Транснефть-Урал» АО подразделенийын ятыр пашаеҥже субботникыш лектын.

Чылаже «Транснефть-Урал» АО-ын 250 утла пашаеҥже экологический акцийыш ушнен. Шӱкшакым лукмашке икмыняр техникым ушымо лийын. Мероприятийын чыла участникше посна аралыме средства-влак дене пайдаланен, коронавирус инфекцийым шаркалаш огыл манын, санитарно-эпидемиологический йодмашым шуктен.