Сылвий ял библиотеке Калык костюм кечым палемдымашке ушнен. Тудын пашаеҥже-влак «Национальный костюм – наследие моего народа» информационный шагатым эртареныт

11 сентябрьыште республике мучко Калык костюм кечым палемденыт. Тиде поснак ойыртемалтше пайрем, вет тудо эртыше ийла ден ончыкылыкым иктыш ушен шога.

Сылвий ял библиотекыште тиде кечылан «Национальный костюм – наследие моего народа» информационный шагатым пӧлекленыт. Кузе библиотекарь Мария Владимировна Аптиева каласыш, калыклан марий калык тыглай кечылаште да пайрем годым кузе чиен, ӱдырамаш ден пӧръеҥ костюм-влак могай лийыныт, умылтараш кӱлын. Тиде оҥай вашлиймашын участницыже Измайлова Мария Николаевна, тудо пайремышке аважын шке куымо марла тувыржо дене толын,тудым ургымо нерген каласкален. Марий ӱдырамаш тувырын тӱҥ ойыртемже тиде – нагрудник, ончыласакыш, ӱштӧ. Нине элемент-влакым тӱрлӧ ленте, ший окса, тӱрлем да шырча дене сӧрастареныт. Ончыласакыш-влакым тасма, лента, да окса да шырча-влак дене сӧрастареныт.

Библиотекыште фотозоным ыштыме лийын. Тыште кажне тыланыше еҥ марла тувырым чиен войзалтын кертын.