Башкирийыште арнялан икмыняр кочкыш продукт шергештын

Республикыште продукт-влаклан ак угыч вашталтын. Башстатын специалистше-влак арня еда эртарыме мониторингым эртареныт. Анализым 2020 ий 14 гыч 21 сентябрь марте ыштыме лийын.

Эксперт-влакын данныйышт почеш, йоча питанийлан ак кенета кугемын. Кукшо шӧр смесь-влак, кокла шот дене налаш гын 18.57 теҥгелан шергештыныт, а консервироватлыме пакчасаска – 10,04 теҥгелан. Тыгак шолтымо колбасалан ак кугемын. Шыл изделийын килограммже 5,01 теҥгелан шергештын. Тыгак свежа кияр ден помидорлан ак кугемын – 2,96 да 2,06 теҥге. Шекар ден шӧр ик теҥгелан шергештын.

Шулдо продукт-влак спискыште икымше верыште шем чай. Тудлан ак 9,53 теҥгелан шулдештын. Чайым йӱаш йӧратыше-влак тыгак карамельым налын кертыт. Тудынат ик килограммже 5,13 теҥгелан шулдештын. Тыгак сыр ден олмалан – 2,61 да 2,60 теҥгелан. Тыгак полукопченый колбаса, ушкал да сӧсна шыл 2 теҥгелан шулдештын.

https://newsbash.ru