Кавун гыч кинде

Кӱлеш: 250 грамм кавун немыр, 500 грамм ложаш, 150 грамм кукуруз ложаш, 2 муно, 1,5 изи пане шӧнчал, 3 кугу пане шекар, 20 гр ру, 3 кугу пане торык, 150 мл шӧр, 4 кугу пане кукшо шӧр, 3 кугу пане кушкыл ӱй, 3 кугу пане кавун нӧшмӧ.

Кӱктен лукмо кавун гыч немырым ямдылаш сайрак. Тидлан кавуным кугу кубик-влаклан пӱчкедыман, фольгаш пӱтыралман да 20 минутлан духовкыш шындыман.

Тыге ыштыме дене кавун тамлырак лиеш, тушто улшо чыла витамин аралалт кодеш.

Вара тудым немырыш савырнымешкыже блендер дене тыгыдемдыман.

Шӧрым шоктемдена, тушко торыкым, шекарым, рум ешарена да лугена. Ты вартышым 10-15 минутлан кораҥдена.

Ындыжым руашым ямдылена. Шыдаҥ ден кукуруз ложашым, кукшо шӧрым, кавун немырым, шекарым, шӧнчалым пырля йӧрена да нӧштылына, мучаште кушкыл ӱйым пыштена.

Формыш ӱйым йыгалтена, руашым пыштена, ӱмбачше лугымо муно дене йыгалтена, кавун нӧшмым шавалтена. Ты тамле киндым 200 градус марте ырыктыме духовкышто 35 минут кӱктена.

Перкан лийже!