Тамакан акше – илыш

Башкирийыште талук тӱҥалтыш гыч 9 тӱжем утла пожар лийын, 154 еҥ йӱлен колен. Тул лекме ик эн тӱҥ амал – тамакам шекланыде шупшмаш. Колышо-влакын пелышт, 48 процентше – тидлан кӧра шке илышыжым пуэн.

Нефтекамск, Агидель ола-влак, Краснокамск да Калтаса район-влакын ОНД-ын кугыжаныш инспекторжо Светлана Атналина кузе увертара, мемнан районышто талук тӱҥҥалтыш гыч 49 пожар лийын, тышеч 27-ше – тул дене шекланыше пайдаланымаш, тамакам шупшмаш.

– Тамакам шупшмаш – тул лекмын тӱҥ амалже, тидын годым еҥ-влакын илышыштымат наҥгая, – ойла тудо. – Айдеме йӱшӧ лиеш гын, туткар кок ганалан шукырак эҥгекым конда.

Пожар наздор шотышто кугыжаныш инспектор тамакым шупшо-влак деч йодеш: шарныза, ты уда койыш тендан организмланда веле огыл эҥгекым ышта, тыгак тул лекмылан амал лийын кертеш.

О. Айгильдина.