Уржа-сорла – 2020

Кӧ районышто лийын, пеш сай пала: мемнан пасулаште киндым ончен кушташ куштылго паша огыл. Туге гынат калтасамыт ий еда чапле шурно лектышым налыт.

Тыге миен лекте, «Восход» СХК-те ме эн ончыч озанлыкын ончычсо вуйлатышыже Халфин Гизатуллиным вашлийна. – Ончычат ме пашам сайын, нимогай парыш деч посна ыштенна, – шарнен ойла ветеран. – У технологий-влакым кучылташ тыршенна. Но тенийсе результат, конешне, чыламат ӧрыктарен, ме гын але тыгайыш шуын огынал ыле.

«Восходын» тӱҥ агрономжо Егор Зайнитдинов палемдыш: – Теве ончыза: ме «Радуга» сорт шыдаҥым ӱдаш лийна. Пасушто, кушто ме тудым ӱдышна, 60 центнер дене пырчым поген нална. Ынде ме могай сортым ӱдаш палена. Конешне, тений игечыжат чыла шотыштат йӧнан ыле. Но игечылан гына ӱшаныман огыл. Сатум ужалмылан кӧра озанлык начар огыл оксам ыштен нале. Ме ок «Бюллер» таракторым, «Хорш» ӱдымӧ комплексым нална. Тыгай технике-влак дене кугу сеҥымашлашке шуаш лиеш. Конешне, шке технике сай, тунам МТС гыч комбайн-влакым йодман огыл, вет тиде паша пеш шерге лиеш. Тыгай сай лектышым ме пасулашке ӱяҥдышым лукмылан, жапыштыже химпрополкым эртарымылан налын улына. Келгын пушкыдемдыше культиватор-влак моткоч сай полышым ончыктышт. Чыла тиде мемнан сеҥымашнан тӱҥ негызше манаш лиеш.

Но тӱҥ ӧрыктарымаш мемнам ончылно вучен. Егор Зайнитдинов мемнам озанлыкын идымышкыже ӱжӧ. Тыште, шукерте огыл чоҥымо объектлаште эн кӱкшӧ сортан пырче курык гай койын шоген. Тыгай лектышлан кӧра «Восход» СХК ончыкыжым у техникым налаш шона.

Юрий Садыров, Калтаса район администраций вуйлатыше: – Тений «Восход» СХК веле огыл, тыгак моло озанлык-влакат ончылан шындыме задачыштым шуктеныт. Тыште у техникым налмаш кугу полышым ончыктен. Но эн тӱҥжӧ калык умылен: кузе пашам ыштет – туге илаш тӱҥалыт. Мый чӱчкыдын районысо озанлыклаште лиям: паша йӧршеш вес семын ышталтеш. Ынде йолташын ваче шеҥгекыже шылын, пашам ыштыде кошташ ок лий, кажныж деч йодмаш пеҥгыде. Сандене ӱшанлын каласен кертам: районын сеҥымашыже але эше ончылно.

А. Ничков. «Республика Башкортостан» газет, 110-шо №, 22 сентябрь.