Чылажат тиде тудын нерген…

Кӱкшӧ огыл капан, шыма шинчаончалтышан да тыматлын шыргыжше тыглай ӱдырамаш кажне эрдене пашаш вашка. Тудым пеҥгыдын йодшан, шке пашажым йӧратыше туныктышо семын чыланат палат.

Таче мыланна чапле юбиляр Якупова Алефтина Александровна нерген каласкалыме шуэш.

1987 ийыште Бирск оласе пединститутын выпускницыжым Тошто Оръямучаш тӱҥ школыш математика ден физикым туныкташ колтат. Тыге туныктышын паша биографийже тӱҥалеш да теве 33 ий ты школышто тырша.

Алефтина Александровна кажне тунемше деке корным муын мошта, математика уроклаште тыршен пашам ыштат, кӱлеш годым икте-весыштлан полшат.

Пеҥгыдын йодшан, чын, эплын кутырышо туныктышо кажныжлан полшаш ямде улеш.

Мемнан школышто туныктымо-воспитатлыме паша шотышто директорын алмаштышыжлан Алефтина Александровнам шогалтыме деч вара, пашаже эше ешаралтын. Пашаже вуйын шогыман, шуко вий ден чытымашым йодеш. Туге гынат, Алефтина Александровна характерже дене чылаштымат пашалан тарата, сай организатор улеш, шындыме задаче-влак шукта.

Пагалыме Алефтина Александровна! Мемнан педагогика коллективна да Тендан тунемшыда-влак деч саламлымашым налза. Те мыланна профессионал, пашам йºратыме шотышто сай пример улыда.

Пашам пырля ыштыме йолташда-влак.