Калтаса ужара
+21 °С
Пылан
Все новости
Новости
5 Шыжа 2020, 19:15

Формула да цифр-влак дене келша

Колбина Галина Алексеевна шке илышыжым школлан, кушкын толшо тукымым туныктымылан пуэн.

Колбина Галина Алексеевна шке илышыжым школлан, кушкын толшо тукымым туныктымылан пуэн.
Кӧтерем кыдалаш школым тунем пытарыме деч вара Галина Алексеевна Бирск оласе кугыжаныш педагогика институтыш тунемаш пурен. Дипломым налын да шочмо, Кӧтерем селашкыже пӧртылын.
Тудым паша стажше 38 ий. Туныктышо, туныктымо-воспитатлыме паша шотышто директорын алмаштышыже лийын тыршен.
Г.А. Колбинан БР да РФ образований министерствын Чап грамотыжо, педагогика пашан ветеранже лӱмжӧ уло.
Галина Алексеевна кум икшывым воспитатлен: кок эргым да ӱдырым, кызыт 5 уныкалан куанен ила.
Кызыт тудо Келтей кыдалаш школышто физикым, математикым да астрономийым туныкта. Икымше кече гычак у коллективыш ушнен. Пашам пырля ыштыме йолташыже да ача-ава-влак коклаште пагалымаш дене пайдалана. Самырык туныктышо-влаклан методика полышым ончыкта. Пашам ыштыме жапыште шкенжым сай ямдылалтше, педагогикым да методикым сай палыше специалист семын ончыктен.
Галина Алексеевна – пеҥгыдын йодшан, тактичный да тӱткӧ улеш. Тудлан тӱрлӧ математический чоялыклан икшыве-влакым туныкташ, уш-акылым вияҥдаш, пӱртӱсын кызытсе сӱретшым шымлаш, икманаш чылалан туныкташ тырша. Кажне тунемше деке корным муын мошта. Уроклаште поро, икте-весылан полшаш кӱлмӧ шӱлыш шижылтеш. Галина Алексеевна шкежат эплык урокым умыландара, нелылык лекме годым полша.
Ты ий Колбина Галина Алексееналан юбилейный. Тыланена порсын ярым гай кужу ўмырым, вурс гай пе‰гыде тазалыкым, ке‰еж кече гай волгыдо илышым, пиалым да чеченле кумылым.
Пашам пырля ыштыме йолташда-влак.