«Транснефть Урал» АО-н метрологшо-влак эн сай улыт

«Транснефть» ПАО-то шӱдӧ тӱжем утла калык тырша. Коллективын тӱҥ задачыже – магистраль трубопровод-влак дене нефтьым нимогай аварий деч посна да чарныде колтен шогымаш. Нефтьым лукшо компаний-влак деч тудым налмаш, вара НПЗ-ке сдаватлымаш да экспортироватлымаш – нине да моло операцийлаштат точный учет деч посна нигузе ок лий. Чыла пашам чын шукташ кызытсе жаплан келшен толшо оборудований полша, а поверке ден калибровкым специалист-метролог-влак шуктен шогат. Нунын пашаштым кажне ийын аклат, а тиде кечылаште «Транснефтьыште» метролог-влакын 2019 ийысе пашаштым иктешленыт.

Приемо-сдаточный пунктын состоянийжын качествыжым тергымаш, нефть качествым висымаш да тергымаш да молат – метролог-влакын пашаштым иктешлымышт годым чыла нине факторым шотыш налыныт. Иктешлымаш деч вара «Транснефть – Урал» АО-н специалистше-влак сеҥышыш лектыныт. Тидын нерген погынымаште увертарыме лийын, тудо онлайн-формат дене эртен. Предприятийын метрологшо-влак «Транснефть» ПАО-н дипломжым сеҥен налыныт. Таче предприятий 56,6 тӱжем единице висыме приборым кучылтеш.

«Транснефть – Урал» компанийын метрологический службыштыжо кӱкшӧ квалификациян 51 еҥ тырша.

Метролог-влакын сеҥымашышт икымше гына огыл: мутлан, 2018 ийысе пашам иктешлымеке, «Транснефть – Урал» АО-н метрологшо-влак эн сай паша результатым ончыктеныт да адакат сеҥыше лийныт.