Калтаса ужара
+17 °С
Пылан
Все новости
Новости
5 Шыжа 2020, 20:50

Йочасадым вуйлаташ – тиде подвиг да паша

Тачысе обществыште вуйлатыше деч пашазе инициативе, пашазе активность да образованийын тӱрлӧ областьтыштыже шуко палымаш кӱлеш.

«Йочасад вуйлатыше серьезный, но йокрок лийшаш огыл. Вет воштылмаш, мыскара, шаярымаш шукырак пайдам конден кертыт». Нине мут-влак поро, тӱткӧ, ушан туныктышо, шке пашажым моткоч чот йӧратыше Краснохолмский селасе 1 №-ан «Теремок» йочасадым вуйлатыше Лиховских Надежда Евгеньевналан келшен толыт.
Надежда Евгеньевна йочасадыште 1991 ий гыч тырша. Тудо – Калтаса районысо йочасад вуйлатыше-влак кокла гыч ик эн пагалыме еҥ улеш. Йочасадым вуйлаташ тудлан должность гына огыл, а пӱтынь илыш. Вуйлатыше лияш куштылго паша огыл: пеҥгыдын йодшан, чын, вуйын шогышан лийман. Надежда Евгеньевна – пеҥыдын йодшан, но чын вуйлатыше да сай психолог улеш. Тудо вурсенат налеш, но тыгодым мокталташат ок мондо.
Йочасадыш коштшо икшывым чыла велымат сайын туныкташ тудлан ончыко шындыме цель огыл, а личностьым воспитатлыме йӧн. Шке пашаеҥже-влаклан тудо профессиональ шинчымашыштым кӱкшемдаш йодынак шога, тыгак соверменный концепций, тенденций ден жап йодмашым шотыш налаш шӱда. Тиде айдемын шӱмжӧ кӧлан полыш кӱлеш, чылалан почылтын. Надежда Евгеньевна чыламат колыштеш, ушан каҥашым пуа. Педагогика ден методика пашаште кӱкшӧ результатлашке шумыжлан тудым «Башкортостан Республикысе образованийын отличникше» о‰еш пижыктыме знак дене палемдыме. Тыгак «Россий Федерацийын чумыр образований ден наукын сулло пашаеҥже» лӱм да Башкортостан Республикысе Кугыжаныш Погын – Курултайын Чап грамотыж дене наградитлалтын.
Шке паша кечыжым тудо эрденысе обход гыч тӱҥалеш. Йочасад мучко оза ошкылеш, тудо чыла ужеш: икшыве-влакым приниматлыме пӧлемыште могай порядок, воспитатель йоча-влакым приниматлаш ямде мо, йоча-влак мом ыштат – чыла ужеш, чыла колеш. Тудо нигунамат кугу йӱк дене ок ойло, но пудыранчыкым кораҥдаш кӱлмым чыланат умылат.
Кажне кечын шуктымо паша южгунам шерымат тема, докан. Но тольык мемнан вуйлатышына тыгай огыл.
«Теремок» йочасад 1960 ий гыч пашам ышта, ӱшанлын каласаш лиеш, Краснохолмский селаште илыше-влак кокла гыч шукышт тиде йочасадыш коштыныт. Ынде шукышт тышке шке икшывыштым, уныкаштым кондат. Палат, тыште нуным чыла сайлан гына туныкташ тӱҥалыт.
Грамотан вуйлатыше тӱрлӧ профессийым келыштарен кертеш. Тиде – туныктышо, методист, наставник, психолог, менеджер, экономист да молат. Лиховских Надежда Евгеньевна лач тыгай вуйлатыше улеш. Шке пашажлан шуко вийым, тазалыкым, энергийым пуэн: коллективым организоватлен да иктыш чумырен, перестройко неле жаплам илен лектылтын. Тачысе куштылго огыл жапыште педагогика процессым организоватлаш, лектын шогышо йодыш-влакым решатлаш, йочасадым олмыкташ тыгак куштылго паша огыл.
Надежда Евгеньевнан моткоч сай дате – юбилей! Шерге Надежда Евгеньевна! «Теремок» йочасадын коллективше Тендам юбилей дене саламла. Ме Тендам кӱкшӧ квалификациян туныктышо, шке вийжым пашалан пӱтынек пуышо еҥ семын пагалена.
Пеҥгыде тазалыкым, кужу ӱмырым, еш илышыштыда ласкалыкым, порылыкым, тичмаш киндерке гай пиалым тыланена. Тек эре тыгаяк тымалте, ешдам, икшывыда, уныкада-влакым шӱм йӱлен йӧратыше, нунын верч тыршыше лийын кодса. Меат тендам тыгак йӧратена да пагалена.
Йӧратымаш да пагалымаш дене тендан колективда.