Тынарак пайдале мо?

Вӱрыштӧ осал холестерин нормо деч шуко гын, шӱм-вӱргорно чер дене черланен кертме лӱдыкшӧ кок пачаш кугу. Ик шымлымаш ончыктен: активироватлыме шӱйым 1 тылзе жапыште кечеш 3 гана 8 г дене йӱшӧ пациентын осал LDL-холестеринже 41 процентлан шагалемын, а сай LDL-холестеринже 8 процентлан ешаралтын. Тыгодым тазалыкшылан нимогай зиян лийын огыл

Верге кече еда 115-140 л вӱрым эрыкта, тыгодымак 1-2 л шондым ыштен луктеш. Но шекарым, шӧнчалым, янлык ден вольык белокым, коям да консервантым кочмылан кӧра верге черланен кертеш. Тидын деч мочевине ден шондо кислота лукшо активирвоватлыме шӱй сайын полша.

Коклаштына кочкыш дене аяргыдыме еҥже укеат, очыни. Тыгодым укшичме, пушкедме, мӱшкыр корштымо деч аралыше ик эн сай препарат – активирвоватлыме шӱй.

Лавыра ден коя шӱргӧ коваштысе рожлам петырат да чурийым шоҥгемдат. А эрыктыше чыла гаяк средствыште химий шуко. Активироватлыме шӱй рожла гыч лавыра ден коям магнит семын шупшын луктеш, коваштым эрыкта да пушкыдемда.

Тиде препарат ӱпланат пайдале: токсиным, лавырам да коям луктеш. Экологий велым осал химикатан шампунь дене таҥастарымаште активирвоватлыме шӱй – чылт натуральный средстве.

Шергакан процедурым эртыде, пӱйдам ошемдаш шонеда мо? Тугеже тудым активироватлыме шӱй дене арняште 2-3 гана эрыктыза.

Кастене пайремыш тарваненда, а эрдене орвуян кынелаш кӱлеш гын, мокмыр ынже орландаре манын, спиртан напитке деч ончыч активирвоватлыме шӱйым йӱза.

Ме кызыт пестицидан пакчасаска ден емыж-саскам, кушкаш полшышо гормонан шылым кочкына, химиян вӱдым йӱына. Тиде шӱкшак кочкышым шулыктарыше системыш погына да пуалше черлан амалым ышта, вийым налеш. Тидымак шотыш налын, организмым активирвоватлыме шӱй дене эрыкташ кӱлешан. (Пайдаланыме деч ончыч врач дене каҥашыза).