Октябрь тылзын икымше кечыжын Калтаса районысо Кугыжаныш автоинспекцийын пашаеҥже-влак ийготыш шудымо икшыве-влаклан «Центр» клубын волонтержо-влак дене пырля «0% алкоголя!» акцийым эртареныт.
Ты мероприятийын тўҥ цельже – йўшӧ вуя транспорт средствам виктарыман огыл манын, водитель-влаклан намиен шукташ. Тидыже водитель-влаклан веле огыл, тыгак корно толкынын участникше-влакланат кугу лўдыкшӧ.
Акцийын участникше-влак водитель-влак дене мутланымашым эртареныт, нунылан «0% алкоголя!» манын возымо вўд дене шишам да тематический буклетым пӧлекленыт. Тыгак Илалше еҥ-влакын кечышт годым илалше водитель-влакым саламленыт да открытке-влакым кучыктеныт.