ГТО нормым кажне тыланыше сдатлен кертын

3 октябрьыште Калтаса йоча спорт школын ече базыштыже «ГТО» район фестиваль эртен.

Кӧн id-номерже да врач деч допуск лийын, кажне тыланыше шке вийжым, писылыкшым, чытен кертмыжым, лывыргылыкшым терген кертын. Участник-влак куржталыныт, топым да гранатым кышкеныт, нӧлталалтыныт да моло упражнений-влакым ыштеныт. Эше тидым палемдаш кўлеш, нуно чыла испытанийым эртеныт, шке койыш-шоктышыштым, спорт азартыштым, сеҥаш тыланымашыштым ончыктеныт. А кӧ чыла ГТО нормым сай сдатлен, значок-влакым налын.

Эше тидым палемдаш кўлеш, спорт мероприятий Роспотребнадзорын темлымыж почеш, чыла санитар нормым текшырымаште эртен. Тыгаяк мероприятий Республике кечын эртышаш.

10 октябрьыште Республике кечын Краснохолмский селасе «Лидер» ДЮСШ-ын базыштыже чыла тыланыше ГТО нормым сдаватлен кертеш.

А. Грущак.