Республике кече деч ончыч арулыкым пуртена

Администрацийын пунчалже почеш, муниципаль районышто субботникым эртарыме кече: 2020 ий 7 октябрь.

Пеҥгыдемдыме документыште кузе ойлалтеш, субботник 11 октябрьыште – Башкортостан Республикыште кугыжаныш суверенитет нерген декларацийым пеҥгыдемдыме кечым пайремлыме деч ончыч порядкым пурташ да мемнан район территорийыште санитарно-экологический обстановкым саемден колтышаш манын эртаралтеш.

Ты пунчал дене келшышын, муниципаль районын села ден яллаштыже арулыкым пуртымо да субботникым эртарыме шотышто оргкомитетым ыштыме. Председатель: Г.И. Яметов, тўҥ архитектор, район администрацийын чоҥымо пӧлка вуйлатыше.

Ялсовет администраций вуйлатыше-влаклан ял илем территорийыште несанкционированный свалке-влакым пытарыме шотышто план-графикым ямдылаш да пеҥгыдемдаш, пеҥгыде коммуналь отход-влакым тойымо полигоныш шўкшакым лукташлан транспортым ойыраш шўден.