Пайдале каҥаш – тазалыклан йолташ

Мӱйым, шуанвондыгичкым, эҥыж вареньым, цитрусым кочмо деч вара айдеме чотрак кылма. Нине продуктым эрдене кочмылан кӧра тыглай йӱштат лу марте шуэш. Тидымак шотыш налын, палемдыме кочкышым лучо кастене кочкаш. Эрдене кылмыме деч шӱльӧ пучымышым, шыдаҥ киндым, шолтымо муным, кугыпӱкшым але чодыра пӱкшым кочкаш, какаом йӱаш пайдале.

Чӱчкыдын кылмен черланыме деч пакчасаска салатыш сельдерей вож ден лыштышым ешарыман. Тудо пуалше ваштареш кучедал кертме вийже дене шергакан. Тылеч посна тиде кушкылышто эфиран коя ӱй, аминокислота, каротин, калий, кальций, фосфор, а эше В, С да РР тӱшкаш пурышо витамин-влак шуко улыт. Икманаш, кушкылышто – тичмаш аптечке.

Сырым кочкаш тӱҥалме годым огыл, а кочмо деч вара кочкаш гын, кочкышым шуклыктарыме палынак саемеш. Сырыште эмлыше вещества шуко: кальцийын глюконатше, коя, поҥго. Сырым палынак шуко кочшо эллаште калык арам огыл шуко ила.