Калтаса ужара
+18 °С
Пылан
Все новости
Новости
8 Шыжа 2020, 13:50

Сад-пакчазылан

Эҥыжвондо деч ярсыше верыш мом шындыман?

Эҥыж йыраҥ деч кодшо мландыште пакчасе да садысе чыла огыл культура сайын иланен да кушкын кертеш.
Тӱҥалтышлан эҥыжвондо деч ярсыше мландым шаньык дене кӱнчыман. Вондым кораҥдыме годым йыраҥеш «шылын» кодшо тыгыде вожым тыге пытараш лиеш. Шошым уэш кушкын лекше эҥыжвондо укш пакчасаскам шындыме йыраҥым шӱкаҥдаш ок тӱҥал.
Мландым ӱяҥдыше ужар сидератым ӱдаш лиеш. Ончычсо эҥыжвондо олмеш розарийым але гортензийым шындаш келша. Тыгай мланде пеледышлан лач веле лиеш.
Идалык ончыч эҥыжвондо кушмо, ярсыште верыште кугымӧр йыраҥым ышташ лиеш. Тудо сайын илана.
Кавун ден помидор да пеҥгыде вожан моло культурат нелылыкым шижде кушкаш тӱҥалыт.
Вожсаскам чумырышо кушкылым шындаш огыт темле. Терген ончымо: эҥыжвондо деч кодшо верыште йошкарушмен, кешыр, шоган да мланде йымалне вожсаскам чумырышо моло кушкылат чапле лектышан огыт лий.