Калтаса ужара
+20 °С
Пылан
Все новости
Новости
9 Шыжа 2020, 15:06

Шке пашажым сай палыше специалист

Тыге врач-оториноларинголог Виктория Робертовна Ахмадуллина нерген каласаш лиеш

Тыге врач-оториноларинголог Виктория Робертовна Ахмадуллина нерген каласаш лиеш
Эртыше тылзын, 29 сентябрьыште, колшо-колыштмо да кӧргӧ шўлымӧ орган-влакым эмлыме пашалан шкеныштым лўмдышӧ е‰ҥвлак шке профессиональ пайремыштым палемденыт. Калык коклаште нуным «ухо-горло-нос» маныт.
Чын, мемнан районышто тыгай специалистым шуэн вашлият. Туге гынат, уло ик чапле врач-оториноларинголог Виктория Ахмадуллина.
Мемнан районышто тыгай специалист моткоч кўлешан. Но тыгай чапле врач-оториноларинголог Виктория Ахмадуллина уло. Чынжым, кызыт тудо икшывым ончымо шотышто отпускышто улеш. А вет тиде сай амал. Таче тудо районышто илыше калыклан моткоч кўлешан. Ик гана веле огыл «Холмышто пеш сай ЛОР врач уло, тольык отпускышто улеш» манмым чўчкыдын колына.
Тудын пациентше-влак лач порын гына ойлат. Огыда пале гын, Виктория Робертовна дене палыме ыштена.
Виктория Ахмадуллина Краснохолмский селасе кум номеран школышто тунемын. Эше тидым палемдаш кўлеш, тудым медаль дене пытарен. Школ деч вара Башкир кугыжаныш медицина университетыш тунемаш пурен, тудымат йошкар диплом дене пытарен. Ушан, мотор да пеш сай айдеме улеш. Тыгай врач-влак мыланна огыт сите. Вара тудо Куватов лўмеш республике эмлымверын базыштыже терапий специальность дене ик ий интернатурым эртен, эше тынарак, ындыжым оториноларингология специальность почеш. Варажым Виктория Робертовна шочмо эмлымверышкыже пєртылын. Октябрьыште мемнан Калтаса райрўдӧ эмлымверыште пашам ышташ тўҥалмыжлан вич ий темеш.
– Мый шке пашамым, профессиемым йӧратем. Мыйын пациентем-влак шукыж годым поремыт, пашам ыштыме результатемым ужам.
Врачын профессийжым Виктория Ахмадуллиналан ойырен налаш неле лийын огыл. Вет ешыштышт медициныште тыршыше-влак улыт. А самырык ўдыр эше тунам умылен, мемнан районышто ЛОР специальность моткоч кўлешан.
Таче Виктория Робертовна йӧратыме пелашыже Владимир дене пырля кок чапле ўдырым София ден Аринам ончен куштат.
– Мый умылен, черле еҥ-влаклан полышем кўлеш, – ойла Виктория Робертовна. – Поснак кызыт, шыжым, кылмен черланымаш шарлыме годым. Чылаштланат ойлем: «Шкендам аралыза да таза лийза».
Ме Виктория Ахмадуллинам эртыше профессиональ пайремже дене саламлена да тазалыкым, пиалым да улан илышым тыланена.
О. Айгильдина.