Калтаса ужара
+21 °С
Пылан
Все новости
Новости
9 Шыжа 2020, 14:55

Ялозанлык ярминга. Подписчикын кечыже. Пайрем концерт

Башкортостан Республике кечым пайремлыме вашеш районышто икмыняр культурно-массовый да тематический мероприятий-влакым эртараш шонат. Чыла мероприятий яндар южышто эрташ тӱҥалеш.

10 октябрьыште Калтаса селасе район Культура пӧрт площадь ончылно самодеятельный коллектив ден мурызо-влак пайрем концерт дене выступатлаш тӱҥалыт.
Тыгак тиде кечын райрӱдыштӧ ялозанлык ярминга эрташ тӱҥалеш.
Районысо историй да краеведений музей «виш омса кечым» тыгак 10 октябрьыште эртара.
Кӧ газет дене журнал-влаклан але эше сералтын огыл, тидым Подписчикын кечыж годым ышташ лиеш. Тудат 10 октябрьыште эртаралтеш.
Почто пӧлка ден Калтаса информационный рӱдерын пашаеҥже-влак тендам вучаш тӱҥалыт. Йӧратыме изданийым ӱлыш ак дене серыкташ лиеш. 11 октябрь марте Всероссийская декада подписки эрта.
«Калтаса ӱжара» ден «Калтасинская заря» газетлан эн ончыч сералтше вич еҥлан редакций пӧлекым кучыкта.
Толза, йолташ-влак! Ме тендам вучена! Маскым налаш ида мондо.