ФАП уло гын, ял ила

Мемнан районышто Кучаш ял ик эн мўндыр лукышто верланен. Сандене ял калыклан ФАП-ын кўлешлыкше нерген ойлыманат огыл. Тиде илыш да тудын дене кылдалтше молат. Сандене тиде чапле, унам сайын вашлийше ялыште здравоохраненийын тўҥалтыш звенон учрежденийжым почмаш кугу пайремыш савырнен.

– Шукертак ме тыге пырля чумырген огынал, – каласен ты ял гыч ик еҥ. – Ты шучко коронавирус мемнам пошкудына, йолташна-влак деч ойырен. А ял калыкын шўм-чонжо веселитлаш, пырля чумырген кутыраш ўжеш…

Ты еҥын шонымашыж дене кучашмыт кєнат манын каласем гын, йоҥылыш ом лий, шонем. Вет ты куаным пайремыш толшо кажне еҥын шинчаштыже ужаш лийын.

Ындыжым кучашмытлан черланыме годым уло кушко толаш. Ты ялыште у модуль зданийым пайдаланымашке пуэныт. Тушто икымше медицине полышым ончыкташ да чер-влак шотышто профилактика пашам намияш чыла условият уло. Пайремыште лектын ойлышо-влак кузе палемденыт, модуль ФАП-ым специалист-влак 5 кече жапыште чо‰еныт. Варажым чыла моло коммуникацийым Краснохолмский вўд канал да шокшо сетьын пашаеҥже-влак шуктеныт.

ФАП-ын пӧлемыштыже шокшо, волгыдо, йоҥгыдо. Лўмын кабинет-влакым оборудоватлыме. А эн тўҥжӧ – ФАП-ым ялысе муллан пӧртшӧ олмышто чоҥеныт. А нуно ончыч кушто пєртым чоҥаш кўлмєӧ нерген сай паленыт – тиде чыла шотыштат сай верыште. Сандене кучашмытлан ты планыштат пиал шыргыжалын.

Ял калыкын куанжым лош пайлаш район администраций вуйлатышын икымше алмаштышыже З.Т. Габдуллин, Калтасасе райрўдӧ эмлымверын тўҥ врачше Р.В. Зарипов, Краснохолмский участковый эмлымверын тўҥ врачше Х.А. Хабиров толыныт. Нуно кучашмытым Республике кече да у фельдшер-акушер пунктым почмо дене шокшын саламленыт. Тыгак чылаштланат тазалыкым да улан илышым тыланеныт.

Савакмарий ялсовет вуйлатыше Р.М. Арсланов да педагогика пашан ветеранже Б.В. Вагазоват район администрацийлан, республике вуйлатышылан тыгай чапле ФАП-ым чоҥымыштлан шўм гыч лекше таум каласеныт.

Пайремым Кучаш клубын да райрўдӧ Культура пӧртын артистше-влак сӧрастареныт.

В. Акиев.