Герой-влакым шарныме лӱмеш

Калтаса район территорийыште «Реальные дела» партий проект почеш икымше веле огыл обелискым почыныт. Тиде проектым илышыш 2015 ий гыч шыҥдараш тӱҥалыныт. Тиде ийлаште Павасола, Васола, Калмиямучаш, Качкинтурай яллаште обелиск-влакым почмо.

Обелискым почмаш кугу пайремыш савырнен. Тиде куанле пайрем дене нуным ӱжмӧ уна-влак – «Единая Россия» партийын верысе пӧлкажын исполнительный секретарьже Зоя Валеевна Максимова, Краснохолмский ялсовет администраций вуйлатыше Семен Владимирович Цедилкин, район Советын депутатше Борис Ильдусович Имаев, депутат фракцийын вуйлатышыже Нина Степановна Ильгузина саламленыт.

Лентам пӱчмаш, венок ден пеледыш-влакым пыштымаш, муро да почеламут – тидыже йӱлашкак пурен, чыла тиде лийын. Туге гынат, Изи Агытан ял калыклан обелискым почмаш кумылеш логалше лийын, вет мемориал оҥаште нуно шкеныштын ачаштын, кочаштын, лишыл да палыме еҥыштын фамилийыштым лудын кертыныт. Кӧ тыныс да пиалан илышым пєлеклен, нунын фамилийыштым.

Пайрем нерген тичмаш материалым газетнан шушаш номерыштыже лудын кертыда.

О. Айгильдина.