«Транснефть-Урал» АО ончыкылык инженер-влаклан пӧлекым ыштен

Чынжым гын, уэмдыме классыште олмыктымо пашам шуктымо да информатике урокым эртараш кӱлшӧ чыла оборудованийым налме. Лицейлан порылык полышым «Транснефть-Урал» АО ончыктен.

Классым почмо годым йошкар лентым «Транснефть-Урал» АО-н генеральный директоржо Аскар Аминов, Уфасе нефтяной технический университетын проректоржо Александр Могучев, Уфа оласе Орджоникидзевский районысо администарцийын гуманитар да образований йодыш шотышто управленийжын вуйлатышыже Юлия Мустафина пӱчкыныт.

Предприятийын оксаж дене кызытсе жаплан келшен толшо программный обеспечений дене 16 компьютерым да мебельым налме.

«Занятий-влакым эртраш чыла йӧнат уло. У компьютер технике тунемше-влаклан информационо-коммуникационный технологийым сайрак почаш йӧным ышта да технический вузлашке тунемаш пураш нунылан куштылгырак лиеш. Ончыкыжым нуно нефтепровод отрасль пашаеҥ-влак радамыш ушнат», - палемден лицейын директоржо Алла Цыбина.

«Транснефть-Урал» ончычат лицейлан материально-технический базышым пеҥгыдемдыме шотышто полышым ончыктен. Тыгак предприятий полшымо дене физика дене лаборатор текшырымаш-влакым эртараш набор-влакым да интерактивный экраным налме лийын.

83 №-ан лицей Уфа олаште 1957 ийыште почылтын. 2003 ий гыч тудо Уфасе кугыжаныш нефтяной технический университетын патронатше почеш пашам ышта. УГНТУ дене «Транснефть-Урал» специалист-влакым ямдылыме шотышто пеҥгыде кылым кучат. Лицейын воспитанникше-влак икмыняр направлений дене – физика ден математике,

химий ден математике, информационно-технологический, инженерно-экономический – тунемыт. Лицей деч вара нуно технический вузлаште тунемаш тӱҥалыт.