Савакмарий гыч фермер-влак сӧсна шылым ужаленыт

Республике кече лўмеш пайрем мероприятийыште ялозанлык ярмингам эртарыме лийын. Ты выставкыште сатум ыштен лукшо производитель-влак шке продукцийыштым ужален кертыныт, а райрўдыштӧ илыше калык – кўлшӧ продукт гыч запасым ыштен.

Районысо чыла лукла гыч ярмингаш толыныт. Кӧ мўйым ужален, а кӧ дыр – шылым, тыгак пакчасаскам да вожсаскам темленыт. Савакмарий ял гыч Василий Зайникаев ден Эдуард Мухамадиев сєсна шылым ужалаш конденыт. Еҥ-влак кумыл шуын налыныт. Тынбахте ял гыч Федор Бадретдинов шорык шылым ужален. Тудо йыр улшо кажне ярмингаште участвоватлаш тырша. Шукерте огыл Нефтекамск олаште пареҥгым ужален.

Фермер Эдуард Мухамадиев шукертак сӧснам ашна. Тудын озанлыкыштыже тыгак 60 утла вуй вольык уло. Нуным пукшашлан 100 гектар кумдыкышто шыдаҥ ден шожым ончен кушта. Тыгак шукияш шудо олыкшо уло. Озанлыкше кугу огыл гынат, вияҥеш. А тидыже тўҥ огыл мо.

Ю. Шамсутдинов.