Шочмо Башкортостан лўмеш

Мероприятий райрўдӧ Культура пєрт ончылно площадьыште, яндар южышто, эртен. Ты кече лўмеш зданийым моторын сӧрастареныт, а РКД-ыш пурымаште, самодеятельный коллектив ден мурызо-влаклан выступатлашышт, импровизированный сценым ыштыме лийын. Эрдене эр площадьыште калык прикладной творчестве выставкым шареныт. Тыште районысо ялла гыч мастар еҥ-влак, ЦВВ, «Шонанпыл» йоча усталык пєртын воспитанникше-влак шке пашаштым ончыктеныт. А РДК площадьыште, эрвелыштыла, ялозанлык ярминга эртен.

Вигак палемдыме шуэш, пайремыш калык шуко погынен. Коронавирус пандемийлан кӧра пелий утла нимогай кугу мероприятий эртен огыл. Калык, очыни, кугу мероприятийым сагынен. Пайрем концерт деч ончыч участник-влак выставке дене палыме лийыныт, ярмингаште мо кўлешым, налыныт.

Теве башкир йылме дене ўжмӧ сем йоҥгалте да вўдышӧ-влак Дилара Ульданова ден Ирина Карасева башкир да руш йылме дене концерт тўҥалме нерген увертарышт. Ик эн ончыч сценыш «Эрвий» калык куштымаш ансамбльын участникше-влак лектыч. Нуно калыклан «Башкир йўла-влак» башкир куштымашым ончыктышт. «Эрвий» коллективын да моло артист-влакын выступатлыме темышт чыла мемнан республикылан, тушто илыше да тудын пеледалтмашыже верч тыршыше калыклан лўмдалтын лийын. Куштышо ансамбль деч эстафетым «Йэншишме» фольклор ансамбльын вокалистше-влак налыныт. Нунын деч вара БР культурын сулло пашаеҥже Айбулат Рахматуллинын вуйлатымыж почеш кураист-влак выступатленыт. Калык нунылан совым рўжге кырен.

Концерт номер-влак деч вара калык ончыко район администраций вуйлатышын пашажым шуктен толшо Забир Габдуллин лектын да нуным саламлен.

– 30 ий ончыч, 11 октябрьыште Кугыжаныш суверенитет нерген декларацийым пеҥгыдемдыме деч вара уэмдыме Башкортостанын историйже тўҥалын. Тылеч вара мемнан республикына – россий регионышто ик эн пеҥгыде улеш. Башкортостанын территорийыштыже 100 утла йылме дене кутырышо калык шке йўлаж дене ила. Калыкын келшен илымыже – мемнан шочмо кундемнан вияҥме, пеледалме негызше, – шке выступленийыштыже каласен Забир Тагирьянович.

Район администраций вуйлатышын пашажым шуктен толшо Республике кечын «Развитие строительного комплекса и архитектуры Республики Башкортостан» кугыжаныш программе почеш, аза шочмо дене социаль тўлам пуымо свидетельствым Александр Григорьевич ден Эльвира Фидусовна Искибаевмыт ешлан кучыктен. Башкортостан Республикыште яллаште пашам ыштыше самырык туныктышо-влаклан грантым налаш сертификатым Забир Тагирьяновичын кидше гыч Кӧтерем кыдалаш школышто историй ден географийым туныктышо Татьяна Викторовна Банникова да 3 №-ан Краснохолмский кыдалаш школ гыч математикым туныктышо Светлана Юрьевна Возжаева налыныт. Ятыр ий пырля илыше мужыр-влакымат чапландареныт. Забир Габдуллин республике вуйлатыше деч Саламлымаш адрес ден пӧлекым Калмаш ял гыч Николай Исакаевич ден Антонина Имашевна Исакаевмытлан, Тєлдє ял гыч Володя Иргибаевич ден Зина Искаковна Илтыбаевмытлан, Актыган ял гыч Альфрет Тимиргалеевич ден Валентина Мандиевна Байдимировмытлан кучыктеныт. Нуно шке шӧртньӧ сўаныштым палемденыт, пырля келшен, икте-весыштым пагален 50 ий илат.

Вуйлатыше да республике правительстве лўм ден погынышо калыкым БР-ын илыме вер да коммуналь озанлык министрын алмаштышыже Николай Ельников саламлен. Тудо пайремын участникше-влакым шокшын саламлен да Калтаса районышто пашам ыштыше еҥ-влакын республикым вияҥдымашке кугу надырым пыштымышт нерген палемден. Николай Павлович Забир Тагирьянович деч вара умбакыже чапландарен. Башкортостан Республикын Чап грамотыжо дене Тӧлдӧ ялсовет вуйлатыше Вадим Владимирович Пазугутов палемдалтын. Самырык политика да спорт министерствын Чап грамотыжо дене Акмулла лўмеш БГМУ-ын студенткыже Юлия Илюсовна Галихановам, 2 №-ан Калтаса кыдалаш школын технологийым туныктышо Валерий Амиранович Думбадзем, РДК-ын тўшкан эртарыме мероприятийын режиссер-постановщикше Ирина Владимировна Карасевам чапландареныт. Ветеранмыт Башкир каҥашын Чап грамотыжо дене Владимир Сабирьянович Апсабиров, Блуда Хамзиновна Вагазова да Нина Апканиевна Тимирбаева палемдалтыныт. А районнан почетан гражданинже Михаил Илтубаевич Илтубаев кугурак тукымлан художественный самодеятельный творчестве республике фестивальын дипломжо дене палемдалтын. Тудо «Встреча» ветеранмыт калык хорын участникше улеш.

Церемоний деч вара артист-влак шке концертыштым умбакыже шуеныт. Мурызо-влак Кристина Русиева, Лилия Матвеева, Фидави Гибадуллин, Нефтекамскысе госфилармонийын солистше-влак Иршат Карачурин ден Ирина Халикова калыкым шке выступленийышт дене куандареныт. Тыгак «Барыня», «Ший оҥгыр», «Сударушка», «Зангари» калык ансамбльым, пане дене шоктышо «Холмичи» образцовый театрым да «Солнечные лучики» йоча вокал ансамбльым шокшын вашлийыныт. Пайрем концерт «Эрвий» калык куштымаш ансамбльын «Калтасинская вечерка» марий куштымашыж дене мучашлалтын.

Ю. Шамсутдинов.