«Шонанпыл» йоча усталык пӧртын «Йомакше»

Краснохолмский села гыч «Шонанпыл» йоча усталык пӧртын «Йомак» студийжын модышышт-влак калык прикладной творчестве выставкылаште кугу интересым тарата. Тиде изи мотор персонаж-влак деч шинчам налаш ок лий, шун гыч ыштыме изделий-влакым йӧратен да куанен ончет.

«Йомак» шун гыч ыштыме модыш-влак студий, а тудым Людмила Александровна Данилова вуйлата, эше чырык курым ончыч шочын. Кызыт йоча усталык пӧртыштӧ шуко велым вияҥыт – хореографий, вокал, художественный творчестве. Тыгак модышым пунымо, лапчык гыч ыштыме тўрлӧ поделке студий уло. Краснохолмский села гыч ўдыр ден эрге-влак тышке кумыл шуын коштыт. Шун гыч ыштыме модыш-влак «Шонанпыл» йоча усталык пӧртыштӧ ик эн тўҥ направлений. Лач тудо тыште, самырык-влакын ойлымышт семын, тўҥ «фишке» лийын кодеш.

Ю. Шамсутдинов.